ملحوظة / عارف ان فى ناس مش بتحب تقراء غير رومانسى بس دا مستحيل لانى عارفة ان فى فالحياة الم ومعاناه حتى لو انا ممرتش بيهم شخصيا وحتى لو كنت بؤمن بالرومانسية والتفاؤل عشان كدا عملت البوست دا
سؤال البوست بقى لانى اعتقد انه محتاج نقاش هل بتعترف او تحترم الحب اللى بيكون بدون مقابل حتى لو كان المقابل اللى بيستغنى عنه الطرف المحب هو حب الطرف الاخر وحتى لو كان عدم الحب بيقابل بالمحبة والاحتواء والاهتمام ؟
اية الجو دا يا ناس احساس بالفرحة والالفة جميل اوى فرحة وبهجة مشفتهاش فى عالم التدوين بالشكل دا قبل كدا يمكن عشان اول عيد احضرة وانا عندى مدونة بس بجد احساس فوق الوصف جو يدعو للروقان وراحة البال والبعد عن اى نكد وهموم كمان سومة اول مرة تبقى فاهمة يعنى اية عيد شوية كدا وبتغنى اهلا بالعيد ومستنية تلبس هدوم العيد الاحساس دا ممتع جدا حاساه فيها اوى
كل سنة وكل المدونين طيبين ومع بعض فى الخير متجمعين كل سنة وانتوا دائما فرحانين ولكل احلامكم محققين
سؤال البوست بقى بعد البهجة والتهانى يومك هيبقى ازاى فى العيد ؟
مريم ربنا يشفيها ويفرح باباها ومامتها بيها و يخفف عنها اى الم ويرحمها برحمته ربنا ما يكتب على طفل فى العالم اللى هى فيه وربنا ما يكتب على ام او اب انهم يشوفوا طفلهم كدا
مش هقول تفاصيل كتير لان فى ناس كتير قالت تفاصيل زى ايوشة وعاشقة وغلبانة وخيخة ياريت تزروهم وخاصة خيخة
بس لازم اقول الطرق المتاحة للتبرع -عن طريق حوالة بريدية الى جريدة الاهرام - بريد الجمعة - حالة الطفلة مريم احمد عبد الحكيم -بالاتصال بوالد مريم شخصيا والاتفاق معه على كيفية تسليمه التبرع على هاتف رقم 0124159196 -التبرع في حساب رقم 284516 باسم احمد عبد الحكيم خليل والد مريم في البنك العربي الافريقي الدولي ودي عناوين البنك في مصرمن موقع يلا كورة هنا رجاء اللى مش هيقدر يعمل اى حاجة على الاقل يساعد فى نشر حالة مريم عشان يمكن غيره يعرف ويكون يقدر يساعد
عالم رائع لتبادل الافكار والاراء والمشاعر بس برضو زى العالم بتاعنا زى باقى كل حاجة فى بلدنا فى بشر مش بتهتم بأشياء ومشاعر ولا افكار وخصوصيات الاخرين حاولت مقفلش المدونة ومخلهومش يهزمونى بس الموضوع بقى صعب وممل واخيرا اكتشفت انى استحالة هقدر اغير طباعهم سعيدة انى اتعرفت عليكم وهفضل متابعة وهتلاقونى على مدونة مش فارقة ان شاء الله اتمنى انهم ميوصلولهاش شكرا على تشجيعكم من البداية وشكرا على كل حد قال رأيي فادنى وخاصة ستوتة ومصرية ومامة مازن وام البنات وام مالك وكل الطيبة وكل اخ واخت فى الله طرحوا وناقشوا موضوعات وقضايا مهمة شدتنى ودا لكل حد فى رومانسيين وواقعيين اللى بزورهم دائما حتى لو معلقتش عندهم
رمضان كريم ربنا يتقبل منا ومنكم جميعا ويعيده علينا وعليكم بخير ................................ تحميل الحلقة الاولى من برنامج الاستاذ عمرو خالد قصص القرأن الجزء الثانى mediafire http://www.mediafire.com/?n5mjmkdyotn
بعتذر على طول البوست بس بجد البوست دا
يستحق الاهتمام على الاقل من وجهة نظرى
من اول يوم عملت مدونة وانا بدرو على كل بوست اكتبة فى جوجل عشان محدش ياخد بوستاتى مش عشان انا موهوبة ونبغة يعنى بس عشان انا عارفة حكاية السرقة وعارفة ان اى حد فى اى منتدى سهل ينقل اى حاجة من مدونة وهم اصلا بيدوروا على اى حاجة مكتوبة بشكل بسيط وسهل وتكون فى نفس الوقت معبرةوانا مش هسمح بدا ابدا وبرفضة رفض تام
ودى كانت المدونة الوحيدة اللى لقيت عليها حاجة ليا بعد كدا لقيت فى منتديات كتيربس طبعا كنت بعمل شكوى او موضوع او ابعت رسالة للادارة او المشرفين او اكتب فى الموضوع اللى متاخد من عندى كنت استحالة اسكت
وفى منتدى بقى دا كان المأساة انا لقيت 4 بوستات ليا قال لها فقالت له والبنت اللى اخداه عملاهم سلسلة طبعا اتضايقت واتعصبت و طلبت حذفهم وقلت ان دا ميصحش يعنى هى عملت كوبى وبست والناس شكروها على البوستات رغم انهى مشكورة منسبتهومش لنفسها وكمان كان عندها سبب للنقل وهى اعجبها بالبوستات وكانت متابعة المدونة وحسستنى انى غلطت لما قلتلها نقلتى الحاجات بتاعتى اللى بتعبر عنى وبس وانك عملتى كوبى وبست وانتى كدا اخدتى فكر واحساس حد غيرك ومن غير ما تستاذنية هى كمان كانت محترمة واعتذرت و انا عتذرت عن عصبيتى واوكى خلاص هيتحذفوا رجعت لقيت 4 بوستات تانين خالص غيرالاولنين برضو فى نفس المنتدى لنفس البنت بقيت فى قمة العصبيةوابتديت اعيد الموضوع من البداية وفى الاخر مطلعوش 8 بوستات بس دول اكتر من 10 بوستات
طبعا مقولكوش على العصبية اللى كنت فيها وقعدت 3 اسابيع عقبال ما حذفوا البوستات من سلة المحذوفات اللى هى متاحة للجميع يعنى ميعتبرش حذف وممكن اى حد يجى يأخذ البوستات واتوه انا بقى وهم يقولوا قوانين المنتدى بتقول ان السلة بتتمسح كل يوم جمعة و فضلت 3 اسابيع استنى يوم الجمعة
وبرضو محذفوهاش الا لما عصبونى وطلعوا روحى وقلت لهم حرام كدا كفايةبقى
لا والجميل فى الموضوع انهم طلعونى غلطانة عشان اتعصبت وطلعونى غلطانة عشان حطيت كتابتى على النت وعرضتها للكل
فى حاجة اسمها امانة يا ناس بتقول لو لقينة حاجة واقعة فى الطريق من حد نقولة كذا وقع منك لو ملقنهوش ندور علية لو ملقنهاش يبقى نسيبها مكانها ونمشى مش نأخدها فما بالك لما تيجى تأخد حاجة من بيت حد
عملت اكواد واحد بيمنع التعليم على الكلام ودا بيظهر بس لمستخدمي انترنت اكسبلورار ومش بيعرفوا يعلموا على حاجة اللى بيستخدموا فايرفوكس للاسف عادى يقدروا يعلموا الكود مش شغال معاهم
كود تانى بعتتهولى عاشقة الرومانسية بيطلع رسالة لو حد عمل كوبى لحاجة عندك الرسالة دى انت اللى بتحددها الكود اهو والرسالة بتكون بدل الجملة العربى اللى فى وسط الكود
<script language="Javascript1.2">
var alnadeem = "طيب مش تستأذن الأول مش كده عيييب";
function rtclickcheck(keyp){
if (navigator.appName == "Netscape" && keyp.which == 3) {
alert(alnadeem);
return false;
}
if (navigator.appVersion.indexOf("MSIE") != -1 && event.button == 2) {
alert(alnadeem);
return false;
}
}
document.onmousedown = rtclickcheck
//-->
script>
اخر حاجة عملتها هى انى بكتب البوستات على شكل صورعلى خلفية عليها اسمى واسم المدونة ببرنامج الورد وبعدها بعملها صورة باى برنامج زى الفوتوشوب او حتى برنامج الرسم اللى مع الويندوز
وبرضو الناس قعدت كتبت البوستات
مش فاهمة حد يتعب نفسة عشان ياخد حاجة مش بتاعتة لية وهيستفيد اية لو حاسس بيها وعجباة يقول عجبانى
او حتى ميقولش يدخل يقراها ويمشى بس مياخدهاش
انا ضفت اللينكات والاكواد رغم انى كنت رافضة اقول على الناس دى بس مطلعتش انا بس اللى اتاخدت حاجتى دا فراشة بالصدفة بتقول لنكون كلنا بنتسرق ومش وخدين بالنا دخلت دورت على بوست واحد بس ليها ولقيتة متأخد فى مدونة :( مكنتش عايزاها او اى حد يتضايق بس الحكاية كبرت وطلعت وردة ومنوش كمان وانا متأكدة ان فى ناس تانى بتتسرق لانى بقابل وانا بدور حاجات كتير رائعة ميكتبهاش غير مدونين وكلها مالية المدونات والمنتديات وممكن زى زى اى حد افتكر ان المدون كاتبها او حد فى متندى كاتبها وتتنسب لية ويضيع حق صاحبها فيها :(
لو حد يعرف حل لتبليغ بلوجر بحقوق المدون فى مدونتة انا اسمع ان فى شرطة للانترنت وممكن تبليغها بالمشاكل اللى زى كدا او حد فاهم فى النت والهاك يقولنا اكواد او طرق
تمنع الناس من اخذ الحاجات من المدونة
ويارب بجد نلاقى حل انا بعتذر لغاية لما الاقى حل هنزل البوست وارد على التعليقات وبعدين هشيلة عشان من خبرتى مع الناس اللى بتسرق لقيت ان الموضوع بيترسق بعدها بشهر او ب 15 يوم كدا مش من تانى ولا تالت يوم يتنشر فية
طولت عليكم بس الموضوع مهم بالنسبالى مقدرش اكتب وانا عارفة ان حد هياخد حاجتى الموضوع مهم لان بيحصل تحوير فى البوستات وبتتكتب بنفس الكلمات
بس بشكل تانى ممكن اللى سارق يدمج موضوعين من مدونتين مختلفتين مع بعض وممكن يعمل من المدونة كلها سلسلة ويرتبها زى ما هو عايز
من اول وجديد وكانه هو صاحب الكلمات اصلا
عامة لو حد عنده فكره ياريت يقولها وياريت الكل يدور على بوستاتة وياخذ جمل صغيرة متفرقة من كل سطر فى البوست ويعمل عليهم بحث فى جوجل مش العناوين بس لانها بتتغير ومش جملة ولا اتنين
لان ساعات الحروف بتتغير والسارق يكتب بدل ال ي دى ى كدا او الف بهمزة ومن غير همزة فالنتيجة بتاعت البحث متطلعلكاش
والاهم ان صوتنا يوصلهم احنا مش عايزينكم تاخدوا فكرنا واحساسنا
من أنت ؟ ام يسكنها احساس طفلة زوجة محبة للرومانسية مغتربة فأصبحت واقعية احترم مشاعر الاخرين واتمنى ان يحترموا مشاعرى
وما الذى تفعله هنا ؟ اعمل بجهد كى ابنى كيانا لافكارى اعبر عن مشاعر قد تنتاب اى ما فى اى وقت من الاوقات
إسرائيل تقصف كل جنوب ممكن بحثا عنك ، أى شمال ستقصد . هفضل مكانى طول عمرى نفسى اموت شهيدة بس اقدر اعمل حاجة تضرهم قبل ما اموت
أنت مكلف بحذف حرف من حروف اللغة العربية .. أيها ستختار ولماذا ؟ هحذف اى حرف ينطق فى كلمة اسائة او تجريح اذت اى انسان واولهم سيد الخلق سيدنا محمد صلى الله عليه وسلم
لو قدر لك أن تدخل السجن فما هي القضية التي تتمنى ان تدخل بها إليه؟ قضية تصحيح مبادئ وافكار تحرير عقول ودفاع عن الاخلاق
بالمناسبة.. منذ متى اكتشفت نفسك؟ اكتشفت نفسى من اول يوم غربة اتعرفت عليها كويس واتعرفت عليا ولسة مع بعض لغاية دلوقتى بس لسة بكتشف فيها حاجات جديدة كل يوم
على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟ طيب يعنى مينفعش اكمل زى منا مفيش طريق على طول :) بتهيألى همشى فى طريق الافتة اليمنى لان حلمى عرفاه كويس بس الى ما لم يحلم بة بشر ممكن يكون اى حاجة سيئة مفيش حاجة تدل انها كويسة
نحن لا نعيش حياتنا بل نتعلم فيها كيف نعيش» ما تعليقك؟ احنا بنعيش عشان نتعلم ونستفيد فى ايامنا اللى جاية واحيانا بنتعلم عشان نعيش يعنى الاتنين بيكملوا بعض مفيش حاجة فيهم بتسبق التانية
بجملة واحدة فقط أكتب تعريفاً لكل كلمة من الكلمات التالية:
الوطن احبة رغم كل شئ واى شئ
الأم نبض المشاعر ومعنى الاحساس
الليل هدوء ورومانسية واحيانا حزن وشجن وافكارودموع
الحب قرار يحمل السعادة لا يستطيع ان يتحمله القلب فيشاركه العقل فيه
أمريكا بلد يعيش بها شعب يحمل الجنسية الامريكية :) زية زى اى شعب بس هو عرف يبنى نفسة صح ويتسلح بأسلحة العصر بس للاسف استخدمها فى الهدم والتدمير لا البناء لانهم لم يملكوا اقوى سلاح فى الوجود سلاح الاخلاق وهو الدين
المرأة هى .. وهى .. وهى .. وهى الشقاء والراحة الحزن والسعادة الدمعة والبسمة العقل والعاطفة ومهما قلنا لن ننتهى
الصمت لا افضلة كثيرا احب ان اعبر عن افكارى ومشاعرى بكلمات ولكنة احيانا هناك اوقات لا يناسبها غيره
الانترنت سريع فى اليابان بطئ جدا ومتعب فى مصر :) لا بجد وسيلة انتقل بها سريعا من الغربة لبلدى اتواصل بها مع الاخرين فى لحظات
أخترمنصباً واتخذ قرارا ؟ رغم انه لن يحدث ولا يوجد وزارة بهذا الاسم ولكنى ساختار وزيرة الرومانسية ليوم واحد فقط هصدر قانون بمنع الأهانة او الأسائة او التجريح لمشاعر اى انسان لاخوه الانسان وهحدد وقت للتامل والصفاء
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟ المرأة هى الالهام هى الخجل هى الكلمات التى تخرج من قيس وعنترة
أن تكون مطلوبا لارتكابك جريمة ، خير لك من ألا تكون مطلوباً مطلقاً " هل تتفق مع هذه العبارة ؟ علل لا اتفق مع العبارة احب ان اعيش فى سلام بس لو حصل وكان لازم يبقى اختار القضية اللى اختارتها قبل كدا
إلى أين تمضي كلمات الحب .. بعد أن نقولها؟ الى عالم الروح والفكر والقلب والاحساس هى طريقنا الى جزيرة الحب
هل تجد علاقة بشكل أو بآخر بين المرأة وقطاع الطرق ؟ لا اجد اى تشابه بينهم المرأة رقيقة لا تسرق حتى قلب الرجل ان لم يكن هو من اعطاه لها برضاه انما قطع الطرق قساة يحبون السرق لا يرتضون بغيرها
هذا فراق بيني وبينك .. متى ولمن تقولها ؟ اى حد يكون عندة المقدره انه ميضايقنيش بأى فعل سئ يفعله لا ابالى بة و يكون فراق بينى وبينة بدون كلمات
كيف هو غداً ؟ هو حلم جميل تلوثة احيانا الايام ولكنة يظل حلم جميل لا ينتهى
امرر التاج الى كل حد هيعلق :)
رومانسى ستوتة قلب ارهقتة الاحلام احمد ابو العلا سهر جوجو وجدان جريح مامة مازن ام البنات بنت مصر عاشقة وغلبانة فراشة ساره وسارة جبالى هذة حياتى اسماء واحلام فى وجدانى sad lover بسومة صلاح رحيل ايمان كيارا ادم المصرى ابو على ابو حنف ام مالك ايمان روحى ملكة بحجابى لوجى
حاسة ان التعليقات هتكون قليلة اى حد هيعلق هحط اسمة عشان يكون رسمى :)
هى مش دى وردة الجزائرية برضو
-
هى مش دى وردة الجزائرية اللى بتقول حلوة بلادى وتقصد بيها مصر
مش ايامها برضو كانت بتغنى للجنود والحرب والنصر
ما هم كانوا بيحبونا اهو واحنا كل اللى عايز يحقق ...
هكذا تكون
-
بين الموت والحياه تهرب دموعك او تبقى
لا تهتم لانك لن تشعر ولن ترى بعينيك الا الذكريات
هكذا تكون فى لحظة فراق
احساس طفلة محبة للرومانسية بس واقعية
